Вынікі 2022
Нагадваю, мае сацсеткі - гэта дзёньнік майго жыцьця, перш наперш я пішу свае лонгрыды для сябе, бо чытаць гэта ўсё празь некалькі гадоў вельмі цікава. Калі гэта чытае хтосьці яшчэ - гэта вельмі класна!)
Асабіста ў мяне гэты год зноў быў вельмі плённы, напэўна, ня горш за мінулы, нягледзячы ні на што... 😢
Асноўныя падзеі:
- Курсы па цыфравому маляваньню ў Пецярбурзе
- Другое падарожжа ў Дагестан (выбух мазгаўні). Дагестан - іншы сьвет
- Вандроўка ў Цьвер і Таржок... бедны Таржок...
- Зьмена сьвядомасьці
- Зноў пачаў вучыць беларускую мову
- Чытаньне беларускай літаратуры. Асаблівыя уражаньні засталіся ад "Шляхціц Завальня, або Беларусь у фантастычных апавяданнях" Яна Баршчэўскага, вельмі блізкі да мяне твор. Аб маіх мясьцінах
- Досьлед Пецярбурга й яго навакольля: другая паездка ў Выбарг, Сабліна, Заходні Котлін, Пецяргоф, Араніенбаўм, музей лакаматываў і гэтак далей
- Шпацыр у адзіноце па "Вялікай ладаскай сьцежцы". Адзін з найлепшых дзён у гэтым годзе
- Вандроўка ў Петразаводзк і вадаспады Карэліі
- Вандроўка ў Ніжні Ноўгарад
- Вандроўка ў Старую Ладагу
- Вялікае падарожжа на поўнач.(выбух мазгаўні) Неверагодны архіпелаг "Выспы Кузава". Гледзячы "Аватар. Шлях вады", увесь час узьнікалі ўспаміны з гэтых мясьцін. Выправа па Хібінах: вельмі класнае й жорсткае выпрабаваньне. Цярыберка: край сьвету, Паўночны Ледавіты акіян. У мазгу засталіся выявы з іншага сьвету...
- Звальненьне з Трэйс
- Вяртаньне дадому
- Вельмі класны шпацыр з сабакам па возеру Белае ў Азіна. Быў класны дзень, застаўся ва ўспамінах
- Новая класная адлегласная праца, цікавы праэкт. Вельмі шчыльная прапампоўка 3D майстэрства за 4 месяцы.
- Пачатак рамонту ва ўласнай кватэры... Ужо вельмі стаміўся ад гэтага))
- Вандроўка ў Оршу й Віцебск
- Паездка ў Мінск. Сябры, музей народнай архітэктуры й быту, Купалаўскі тэатр
- Вандроўка ў Горадню. Вельмі класная паездка. Засталіся вялікія уражаньні
- Шпацыры па Полацку. Вельмі класная экскурсія ў музеі кнігадрукаваньня
- Вялікі шпацыр з сабакам па нашых азёрах
- Паездка на Асьвею й да аленей у Чырвоны Бор
- Экскурсія па вялікіх храмавых сутарэньнях у Глыбокім
- Вельмі класная гутарка аб Дунілавічах зь мясцовым краязнаўцам Францам Хомічам. Вялікія ўражаньні
- Прайшоў гульні: God of war 4, Mafia 1,2, Stray. Шэдэўры. Вялікія уражаньні
- Аказваецца з вакалам нічога ня здарылася. Усё больш зьяўляецца жаданьне зноў нешта запісваць...
- Паездка ў Пецярбург на канцэрт Shortparis. Вельмі класны канцэрт, ад якога я ня смог атрымаць асалоду. У наступны раз трэба купляць квіткі ў фан зону, або на балкончык, бо гномам, як мы, зусім някласна стаяць у натоўпе.
- Аватар. Шлях вады (!)
Сваім жыцьцём і развіцьцём ў гэтым годзе застаўся вельмі задаволены...
